вторник, 17 ноември 2026
Најново

Песков: Путин и Трамп не разговарале за Орбан како кандидат за генерален секретар на ОН

Претпочитан извор Додај го Пулс24 во твоите извори на Google Додај

Претседателите на Русија и на Соединетите Американски Држави, Владимир Путин и Доналд Трамп, за време на нивниот последен телефонски разговор не разговарале за можноста поранешниот унгарски премиер Виктор Орбан да биде предложен за генерален секретар на Обединетите нации, изјави портпаролот на Кремљ, Дмитриј Песков.

„Не, за ова не се разговараше за време на последниот телефонски разговор, но доколку се појави таква кандидатура, таа ќе биде разгледана“, рече Песков одговарајќи на новинарски прашања.

ПУЛС24.МК - 14 ГОДИНИ

Неговата изјава уследи по медиумските написи дека администрацијата на американскиот претседател Доналд Трамп го поддржува Орбан како кандидат за највисоката функција во ОН, како и дека неговата кандидатура би можела да добие поддршка од Русија и Кина.

Американскиот весник „Волстрит џурнал“ на 26 октомври, повикувајќи се на одредени извори, објави дека Вашингтон го охрабрува Орбан да влезе во трката за генерален секретар на светската организација.

Поврзани вести