Русија никогаш не била закана за која било земја, дури ни за европската; напротив, НАТО се приближуваше кон границите на Русија, изјави портпаролот на Кремљ, Дмитриј Песков.

„Би сакал да ги потсетам зборовите на рускиот претседател. Русија никогаш не била закана за никого. Таа не е закана ниту за европските земји. Не беше Русија таа што се приближуваше кон Европа со својата воена инфраструктура, туку Европа, како дел од НАТО – организација што е инструмент на конфронтација, а не на мир и стабилност – која секогаш се движеше кон нашите граници“, нагласи Песков.

Со овие зборови, тој го коментираше однесувањето на западните земји во врска со одржувањето на руско-белоруските воени вежби „Запад 2025“, вклучително и одлуката на Полска да ја затвори границата со Белорусија.