Пет тинејџери загинаа во пожар што избувна во приватна сауна во градот Прокопевск во Кемеровскиот регион, а локалните истражни органи запленија снимки од безбедносните камери и документација од сауната каде што се случила несреќата, соопшти регионалната администрација на Истражниот комитет на Русија.
Како дел од истрагата, извршен е увид во зградата, а во тек е и испрашување на сведоци, додека 36-годишниот администратор на сауната е приведен поради трагедијата.
Пожарот избувнал во саботата во приватна сауна во Прокопјевска и зафатил површина од околу 70 квадратни метри.
Според информациите од Телеграм каналот База, во сауната имало тинејџери и млади луѓе на возраст од 16 до 22 години, кои го славеле својот роденден.
Во интервенцијата учествувале 38 пожарникари со 12 возила, а за време на гаснењето биле пронајдени телата на пет малолетници.
Според истражните органи, едно девојче успеало да се спаси од групата што престојувала во сауната, пренесува руската РБК.
Се сомнева дека пожарот е предизвикан од краток спој во една од парните соби, а жртвите починале од труење со јаглерод моноксид.
Рускиот истражен комитет покрена кривична постапка за обезбедување услуги што не ги исполнуваат барањата за безбедност на животот и здравјето на потрошувачите, за што се заканува затворска казна до 10 години.
The post Пет тинејџери загинаа во пожар во приватна сауна: Трагедија на роденденска забава appeared first on Во Центар.
Пронајдете не на следниве мрежи:
