Повеќе од 10 земјотреси со интензитет помеѓу 4,2 и 5,5 степени според Рихтеровата скала го погодија брегот на Камчатка во Русија за нешто повеќе од еден час, според Европско-медитеранскиот сеизмолошки институт.

Засега нема информации дали земјотресите предизвикале материјална штета.

Камчатка и Курилските Острови се рускиот дел од таканаречениот Тихоокеански Огнен Прстен. Тоа е зона на субдукција, каде што океанската плоча е потопена под континенталната плоча. Земјотрес во Камчатка нема да влијае на другите региони на Русија, вклучувајќи го Северен Кавказ и јужните региони, овие региони се наоѓаат премногу далеку еден од друг, а тектонските услови се, се разбира, значително различни. Едниот не може да влијае на другиот во овој случај“, изјави денес Илја Бошљаков од Геолошкиот факултет на Московскиот универзитет, пренесува руската новинска агенција ТАСС.

Тој истакна дека ова е најсилниот земјотрес во областа од 1952 година .

Според податоците од огранокот Камчатка на Геофизичката служба на Руската академија на науките, во првите 12 часа по главниот земјотрес се регистрирани 134 последователни потреси, од кои некои достигнале магнитуда од 6,3 степени.