Поголема група луѓе нападнале лекари, сестри и болничари во Градската болница “Климент Охридски“ во Скопје.
Како што потврдиле за ТВ “Канал5“ во болницата бил донесен пациент со исекотина, а веднаш по него упаднала групата која го нападнала персоналот. Инцидентот се случил помеѓу 2 и 3 часот по полноќ. Болницата била затворена за пациенти за да не се случи уште некој инцидент.
Од утрово Градската болница повторно е отворена. Неофицијално, во инцидентот има и приведени, а од МВР рекле дека подоцна ќе соопштат детали за инцидентот.