Полската економија станува се позначајна во Европската Унија. Според податоците од европската статистичка служба Евростат, во 2025 година Полска стана шеста најголема економија на ЕУ во однос на номиналниот бруто домашен производ (БДП), со учество од речиси пет проценти во вкупната економија на Унијата.

Вредноста на полскиот БДП по тековни цени минатата година достигна 922,9 милијарди евра, што претставува 4,9 проценти од вкупното економско производство на Европската Унија.

Пред Полска се Германија, Франција, Италија, Шпанија и Холандија.

Германија е сè уште убедливо најголемата економија во ЕУ, со БДП од 4,47 трилиони евра. По неа следуваат Франција со 2,99 милијарди, Италија со 2,26 милијарди, Шпанија со 1,69 милијарди и Холандија со 1,17 милијарди евра.

Полска, од друга страна, е пред Белгија, Шведска, Ирска и Австрија.

Оваа земја е убедливо најголемата економија во Централна и Источна Европа. За споредба, БДП на Романија во 2025 година изнесуваше 380,1 милијарди евра, на Чешка 347,3 милијарди, а на Унгарија 218,8 милијарди евра.

Сепак, големината на целокупната економија не мора нужно да укажува колку добро живеат граѓаните на една земја. Кога се гледа БДП по глава на жител, Полска е сè уште под просекот на Европската Унија, односно и покрај тоа  е шеста најголема економија на Унијата, сè уште е во процес на приближување кон животниот стандард на најбогатите членки.