Сашко Јанчев од Гевгелија, пратеник на Левица, денеска по полноќ бил учесник во сообраќајна незгода во која две лица се повредени, од кои едно е во животна опасност.

На крстосницата од улицата 10 во село Марино и сервисната улица се случи сообраќајна несреќа помеѓу патничко возило „хјундаи тусон“ управувано Јанчев и мопед „јијинг“ управуван од М.Д од село Идризово. Во сообраќајката тешко повреден бил М.Д., а сопатничката А.Т. од населбата Илинден е полесно повредена. М.Д. веднаш бил пренесен во Клиничкиот центар „Мајка Тереза“, каде што се бори за живот.