Претставниците во Претставничкиот дом на американскиот Конгрес, Томас Маси од Републиканската партија и Ро Кана од Демократската партија, одлучија да покренат иницијатива за импичмент на државната обвинителка Пам Бонди.
Причината за овој потег, како што открија за CNN, е фијаското што настана поради објавувањето на документи за Џефри Епштајн, поранешен финансиер и осуден сексуален престапник.
Токму Кана и Маси, иако доаѓаат од различни партии, ги предводеа напорите да се принуди администрацијата на американскиот претседател Доналд Трамп целосно да ги објави документите за Епштајн преку усвојување на закон во двата дома на Конгресот.
Иако законот беше усвоен, токму Бонди преку своите постапки речиси го направи објавувањето бесмислено, откако објавените документи беа цензурирани на таков начин што речиси ништо ново не беше откриено.
Дополнителен скандал се појави кога „Фокс њуз“ објави дека Бонди, покрај жртвите, цензурирала и политички личности од документите, што доведе до покренување иницијатива за нејзин импичмент.
На Бонди му е потребно едноставно мнозинство во Претставничкиот дом и двотретинско мнозинство во Сенатот за да биде покренат процес на импичмент.
The post Прва жртва на фијаското на досиејата Епштајн: Почна процесот за импичмент на главниот обвинител на Трамп appeared first on Во Центар.
