Најмалку четири лица беа ранети во четврток наутро во пукотница во населбата Логан Серкл во Вашингтон, околу една милја северно од Белата куќа. Осомничениот не е уапсен, а полицијата ги повикува жителите да ја избегнуваат областа.
Како што објавува АП, повикувајќи се на полицијата, четири лица биле застрелани во популарна населба на пешачко растојание од Белата куќа, а полицијата реагирала на повеќе локации.
Градскиот советник Брук Пинто напиша дека се пукало во и надвор од салата „Вида фитнес“ и дека полицијата трага по осомничен. Истиот блок вклучува црква и станбени згради, а дел од блокот е ограден.
Според полициски извори на CNN, осомничениот се забарикадирал во станбена зграда во близина на местото на пукањето.
Блиските училишта беа затворени, улиците во областа беа блокирани, а Бирото за алкохол, тутун, огнено оружје и експлозиви (ATF) испрати агенти на местото на настанот. На жителите им беше наредено да останат во затворен простор.
Според NBC Washington, покрај полицијата, на местото на настанот се и ФБИ, Министерството за внатрешна безбедност и Националната гарда.
Полицијата сè уште не го објави идентитетот на напаѓачот, мотивот, ниту пак состојбата на повредените.
