Албанскиот премиер Еди Рама изјави дека нема никаква позиција во косовската политика и никогаш не сакал да се меша во внатрешните работи на Косово. Тој додаде дека му е „многу смешно“ кога некои косовски политичари се обидуваат да се мешаат во политичките прашања во Албанија.

Како што објави „Економија онлајн“, Рама ова го изјавил во десеттата епизода од шестата сезона на подкастот „Фљасим“, во разговор со професорот Арјан Ѓонцај.

„Немам никаква позиција таму во Косово. Никогаш не сакав да се мешам во нивните работи. Ми беше смешно кога се обидоа да се мешаат тука. Но, сега се чини дека повеќе не го прават тоа, бидејќи ја научија лекцијата. Треба да бидеме фер и да бидеме свои“, рече Рама.