Распуст: Завршува учебната 2018/2019 година

За околу 270 илјади средношколци и основци, меѓу кои и 20.000 првачиња утре е последниот ден од учебната 2018/2019 година.
На учениците кои завршуваат деветто одделение им претстои запишување во средно образование. Првото пријавување во јунскиот уписен рок е на 17 и 18 јуни, а второто на 24 и 25 јуни.
Според Конкурсот на Министерството за образование наука, за учебната 2019/2020 година слободни се вкупно 35 690 ученички места.


Матурантите, пак, пред да се запишат на факултет во август, треба да поминат уште две тестирања од државната матура овој месец – во вторник е полагањето на третиот екстерен испит (бизнис, историја, биологија, филозофија, хемија, физика, естетика или социологија), а на 13 јуни е тестот по математика.
Од септември се очекува и новиот закон за основното образование кој во нацрт-верзија деновиве е поставен на Електронскиот регистар на прописи (ener.gov.mk) за доставување сугестии и забелешки.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.