Денешното судско рочиште за случајот „Беса Транс“, во кое требаше да сведочат претставници на Царината, беше одложено за 29 декември. Причината беше недостатокот на судски преведувач, како што објасни судијата Ивица Стефановски, од четворицата преведувачи што ги има судот, тројца се на боледување, додека еден е зафатен.

Судењето не е директно поврзано со несреќата, односно со причините за трагедијата од ноември 2021 година во која 45 лица го загубија животот, а 7 други беа повредени.Случајот се однесува на дозволата за возење на автобусот вклучен во несреќата, која, според Обвинителството, сопственикот на компанијата „Беса Транс“, Беким Хаџиу, ја фалсификувал.Сепак, Хаџиу изјави дека се чувствува невин по ова обвинение. Судењето, кое трае повеќе од 3 години, не доаѓа до конечна завршница. Првично, Хаџиу беше осуден на 20 месеци затвор, но Апелациониот суд го врати предметот на повторно судење.

The post Рочиштето за случајот „Беса Транс“ е откажано, судот нема преведувач appeared first on Во Центар.

Пронајдете не на следниве мрежи:

• 
• 
• 
• 
• 
•