Романија ја зајакнува противвоздушната одбрана долж селата на Дунав во близина на границата со Украина, додавајќи повеќе воени набљудувачки пунктови и патроли во областа, пренесува Ројтерс цитирајќи двајца високи украински функционери.
Мерките, заедно со распоредувањето на четири дополнителни американски борбени авиони Ф-16 и проширената зона на забранети летови, се знак за зголемена загриженост во Романија и пошироката алијанса на НАТО дека војната во Украина може да се прелее на нејзина територија. соопшти агенцијата.
Во ноември минатата година, проектил го погоди јужниот дел на Полска, при што загинаа две лица, иако подоцна беше утврдено дека одговорна е украинската воздушна одбрана.
Набргу по повлекувањето од Црноморскиот договор за жито на 17 јули, Москва почна да ги гаѓа украинските пристаништа и магацини долж Дунав во очигледен обид да ја задуши главната алтернативна рута за украинскиот земјоделски извоз. Меѓу целите беа и украинските пристаништа Измаил и Рени, кои се во близина на границата со Романија.
Изолираните инциденти со паѓање на делови од дронови во Романија ги поттикнаа романските вооружени сили да ја зголемат безбедноста во областа за да ги заштитат цивилите, изјавија неименувани извори за Ројтерс.
Војската изгради две засолништа за бомби во малото село Плауру, на само неколку стотини метри од Измаил, а на жителите од поширокото подрачје им се испраќаат предупредувања со мобилни телефони кога ќе бидат откриени руски беспилотни летала во областа.
Во соопштението минатата недела, романското Министерство за одбрана рече дека околу 100 американски војници и четири авиони F-16 Fighting Falcon пристигнале во воената воздухопловна база Борчеа на околу 150 километри јужно од Измаил.
Од средината на септември, Министерството, исто така, ја прошири зоната на забранети летови долж дел од границата со Украина до 30 километри во Романија и на надморска височина од 4.000 метри како пречка против руските беспилотни летала кои влегуваат во романскиот воздушен простор.
Генералниот секретар на НАТО, Јенс Столтенберг, во четвртокот пред новинарите во Киев изјави дека нема докази дека руските напади во близина на украинско-романската граница се намерен напад врз Романија, но ги опиша како „непромислени“ и „дестабилизирачки“.
Портпаролот на романското Министерство за одбрана Константин Спину, исто така, рече дека нема индикации дека Русија ја гаѓа Романија, но дека природата на нападот на блиската украинска територија го прави практично невозможно да се спречат сите прекршувања.
Пронајдете не на следниве мрежи:
