Русија и Украина постигнаа договор за привремено прекин на огнот во зоната на нуклеарната централа Запорожје, со цел да се овозможи итна санација на оштетените далноводи што ја снабдуваат електраната.
Оваа информација доаѓа во време на зголемени безбедносни ризици околу најголемата нуклеарна централа во Европа.
Веста ја потврди генералниот директор на Меѓународната агенција за атомска енергија, Рафаел Гроси, кој изјави дека двете страни се договориле за привремено примирје во непосредна близина на нуклеарната централа Запорожје со цел да се овозможат потребните технички работи.
– Страните се согласија за привремено прекин на огнот во реонот на нуклеарната централа Запорожје со цел да се овозможи поправка на далноводите. Работите веќе се започнати – рече Гроси.
Според него, примирјето ќе трае неколку дена, сè додека е потребно да се поправат клучните водови за снабдување со електрична енергија, кои се од клучно значење за безбедното функционирање на објектот и ладењето на реакторот.
Нуклеарната централа Запорожје, која се наоѓа на југот на Украина, долго време е една од најкритичните точки на конфликт, а МААЕ постојано предупредува дека борбените операции во нејзина близина носат сериозен ризик од нуклеарен инцидент. Привременото примирје, иако со ограничено времетраење, се смета за важен чекор кон намалување на непосредните безбедносни закани.
Меѓународната агенција за атомска енергија продолжува да ја следи ситуацијата на терен и, во координација со двете страни, инсистира на целосна заштита на нуклеарните објекти и инфраструктура, нагласувајќи дека нуклеарната централа Запорожје не смее да се користи како дел од воен конфликт.
The post Русија и Украина склучија примирје – гром од ведро небо, неочекувани вести го изненадија светот appeared first on Во Центар.
