Украинската нуклеарна централа Запорожје, која е под руска контрола, вчера соопшти дека украински дрон е соборен над покривот на реакторот број шест.– Денеска над нуклеарната централа беше соборен камиказе дрон. Падна на покривот на единицата 6, соопшти нуклеарната централа, под фотографијата на реакторот број шест.Реакторот број 6 во моментов е исклучен, велат од електраната.Русија објави дека Украина во неделата три пати ја нападнала нуклеарната централа Запорожје и побара од Западот да одговори, но Киев вели дека нема никаква врска со тоа.Руските сили ја презедоа контролата врз нуклеарната централа во 2022 година, веднаш по почетокот на инвазијата врз Украина.Москва и Киев постојано се обвинуваат меѓусебно дека ризикуваат нуклеарна катастрофа со напад на нуклеарната централа.
Пронајдете не на следниве мрежи:
