Руската Федерална служба за безбедност (ФСБ) денес објави дека уапсила руски државјанин под сомнение за предавство, за учество во подготовката на атентатот врз менаџерот на една од компаниите од одбранбената индустрија.

ФСБ тврди дека осомничениот дал помош на странска држава, учествувајќи во планирањето на нелегална активност што вклучувала обид за убиство на директорот на една од важните руски одбранбени фирми, објави ТАСС.

Според информациите на ФСБ, осомничениот „стапил во доверлив контакт со претставници на проукраински терористи“ преку апликацијата Телеграм.