Руски воздушни напади беа извршени рано изутринава врз градовите Запорожје и Одеса во јужна Украина, при што беа погодени цивилни објекти и повредено е најмалку едно дете.„Киев пост“ објави дека нападите биле извршени и покрај тоа што рускиот претседател Владимир Путин го опиша „позитивниот“ телефонски разговор што го имал со американскиот претседател Доналд Трамп претходно оваа недела во врска со прекинот на огнот во Украина.Иван Федоров, шеф на воената управа на регионот Запорожје, објави дека во истоимениот град „најмалку четири станбени згради, како и згради на територијата на задругата, се оштетени како резултат на непријателскиот напад“ –– Според првичните извештаи, шест лица се ранети, меѓу кои и едно дете – изјави Федоров.Украинското воено воздухопловство предупреди пред нападот дека би можело да има напад од руска пловна бомба на оваа јужна област.На социјалните мрежи беше објавено дека непосредно пред полноќ биле снимени четири експлозии.Спасувачките екипи cè уште трагаат по жртви.Областа Запорожје е дом на најголемата нуклеарна централа во Европа, во градот Енерходар на левиот брег на реката Днепар, кој е под руска контрола.Нападот се случи еден ден откако Трамп, по разговорите со Путин, имаше телефонски разговор и со украинскиот претседател Володимир Зеленски.На онлајн брифинг со новинарите, Зеленски потоа изјави дека разговарал со Трамп за можноста Америка да помогне во обновата на нуклеарната централа Запорожје.– Водовод, технички персонал и уште многу чекори за да се осигураме дека за година и пол до две и пол години оваа централа ќе почне да носи пари и струја за луѓето. Тоа е мојата визија“, рече Зеленски.
Consequences of the attack on Zaporizhzhia district The nighttime attack on March 20 injured six people: two men (59 and 61 years old), three women (50, 54 and 55 years old) and a 4-year-old boy. pic.twitter.com/GdaQTztKTP— kolibri.93 (@viktorikolibri) March 21, 2025
Белата куќа соопшти дека за време на телефонскиот разговор, Трамп му предложил на Зеленски дека САД „може да бидат многу корисни во однос на управувањето со електраните и давање стручни совети“ и дека „американската сопственост на овие електрани ќе биде најдобра заштита“, без да прецизира за која електрана станува збор.
“Russia has to show us they are interested in ending the war.”Here you go. Here is Moscow’s message to you.Zaporizhzhia today after savage Russian attack.Russia doesn’t want peace, they want to destroy the Ukrainian nation and people. Nothing less. The end. Period. pic.twitter.com/Y7lAnPTHfT— ArianaGic/Аріянॳць (@GicAriana) March 21, 2025
Доцна синоќа цел на напад со руски дрон беше украинското пристаниште Одеса и околината.
Last night, as the civilized world observed from a safe distance, Russians tried to destroy our city of Odesa.In an immense attack, dozens of Shahed drones targeted shopping malls, residential buildings, and civilians in the most populous areas of the city. pic.twitter.com/lLL9FhR5m8— Yulia Svyrydenko (@Svyrydenko_Y) March 21, 2025
Дронови погодија различни локации во градот и оштетија станбени згради, трговски центри, продавници и автомобили, а избувнаа и три големи пожари.
