Американскиот Стејт департмент синоќа упати итен апел до сите свои граѓани во Венецуела да ја напуштат земјата без одложување.

Предупредувањето објавено на веб-страницата на Стејт департментот доаѓа во време кога меѓународните летови се обновуваат поради екстремните тензии по минатонеделната воена интервенција на САД кога венецуелскиот претседател Николас Мадуро беше киднапиран, уапсен и однесен во Њујорк.

Американските власти предупредуваат на постапките на прорежимските вооружени групи, кои наводно поставуваат бројни блокади на патиштата за да идентификуваат и притворат американски граѓани или секој за кого се сомнева дека го поддржува Вашингтон.

Венецуела останува на ниво 4 (највисоко) на скалата за предупредување за патување.

Вашингтон ги наведува ризиците од „произволно притворање“, па дури и „тортура“, нагласувајќи дека безбедноста на Американците повеќе не може да се гарантира на венецуелска почва.