Македонската опозициска партија, СДСМ, вели дека „граѓаните скапо плаќаат за приказните на Мицкоски дека економијата на Македонија е трета по големина во Европа“.

Од СДСМ нагласуваат дека „кога граѓаните влегуваат во продавница, кога одат на пазар, кога ги плаќаат сметките, кога ги гледаат своите празни паричници и празни фрижидери, тие најдобро знаат колку е реална приказната на Мицкоски за третата економија во Европа“.

„Со Мицкоски, животниот стандард на граѓаните се влошува од ден на ден, граѓаните имаат се помалку пари и живеат се полошо и полошо. Најновите податоци од Државниот завод за статистика покажуваат дека зеленчукот е поскап за над 38%, овошјето за над 10%, а продажните цени на земјоделските производи за 23%. Месото, јајцата, маслиновото масло се поскапи… сè е во вестите. А платите не се поместуваат, заковани на дното, работниците во РМВ имаат најниски плати во Европа.“

„Економијата е во тренд на опаѓање. Инвестициите се намалени за над 60%. Компаниите отпуштаат работници, има над 1.500 отпуштени работници за само неколку месеци. 180 милиони евра, заклучно со минатиот месец, е долгот за поврат на ДДВ кон компаниите. Додека раскажува бајки за третата најголема економија во Европа, Мицкоски не презеде мерки за да им помогне на граѓаните во криза и да го заштити стандардот“, велат од СДСМ.

 

Пронајдете не на следниве мрежи:

• 
• 
• 
• 
• 
•