Првите триесет електрични автобуси се очекува да пристигнат во земјава во декември или јануари, додека испораката на вкупно 150 се очекува да заврши за година и пол. Поднесена е жалба, која денес беше одбиена од Второстепената комисија за жалби по јавни набавки, објави вицепремиерот и министер за транспорт, Александар Николоски.

Процесот на жалби е исто така завршен, поднесена е жалба, која денес беше одбиена од Второстепената комисија, така што овој пат процесот е целосно успешно завршен. Сега влегуваме во процес на потпишување договор и доколку рокот за испорака е шест месеци од потпишувањето на договорот, моето барање до понудувачот, кој сега ќе биде и официјален државен изведувач, ќе биде првите автобуси да пристигнат во декември или јануари. Останатите шеесет ќе пристигнат во рок од 12 месеци, а уште 60 во рок од 18 месеци. За да може целата испорака да се заврши во рок од година и пол“, изјави Николоски на „ТВ Сител“.

Откако во четврток во Владата беа потпишани договорите за инвестицискиот грант од Европската Унија преку Инвестициската рамка за Западен Балкан, како и договорите за финансирање со Европската инвестициска банка (ЕИБ) и Европската банка за обнова и развој (ЕБОР), со кои се обезбедува финансиската структура за имплементација на третата фаза од железничката делница Крива Паланка – почетокот на прекуграничниот тунел со Бугарија, како дел од Железничкиот коридор 8, Николоски изјави дека е исклучително задоволен од динамиката на развојот на проектот и, како што рече, доколку сè оди добро, очекува интензивни градежни работи од почетокот на следната година.

The post Се очекува првите триесет електрични автобуси да пристигнат во Македонија во декември или јануари appeared first on Во Центар.

Пронајдете не на следниве мрежи:

• 
• 
• 
• 
• 
•