Актерот Венсан Касел (51) наскоро повторно ќе стане татко. Венсан после разводот од актерката Моника Белучи се венчаше со манекенката Тина Кунаки (21), која сега наводно е бремена.
Парот се венчаше во август оваа година, во Франција, а на венчавката присуствувале мал број луѓе.
Странските медиуми сега тврдат дека Тина е бремена и дека парот ќе го добие своето прво дете.
Оваа информација стана актуелна откако Тина ја фотографирале на аеродром, каде јасно бил видлив трудничкиот стомак.
Актерот и манекенката биле заедно две години пред да се венчаат, а ова му е втор брак на Венсан.
Со актерката Моника Белучи бил во брак 14 години, а се развеле во 2013-та година. Моника тогаш откри дека таа и Венсан веќе 5 години не живееле заедно.
Се запознале на снимањето на филмот „L’appartement“ во 1995-та година, а во брак стапиле во 1999-та година. Заедно ги имаат ќерките Дева (14) и Леона (8).