Воен авион Ф-16 на Сингапурските воздухопловни сили се урна вчера во близина на воздухопловната база Тенга. Вооружените сили на оваа азиска земја одлучија привремено да ја прекинат обуката на пилоти на Ф-16 додека трае истрагата за падот на авионот.Авион на Локхид Мартин Ф-16 од воздухопловните сили на Република Сингапур (РСАФ) се урна во средата, на 8 мај, кратко по полетувањето од базата Тенга. За среќа, пилотот успеал да се катапултира од авионот и безбедно слетал на земја.Во соопштението од Министерството за одбрана на Сингапур се наведува дека пилотот на Ф-16 бил прегледан од медицински тим и дека не се здобил со сериозни повреди.Причината за падот на авионот при полетување засега не е позната, а истрагата ќе ги утврди сите околности на овој настан. Искусниот пилот на RSAF, кој има над 2.000 часа лет во овој авион, наводно имал проблеми со контролниот систем при полетување.Министерството за одбрана на Сингапур соопшти дека привремено ја прекинува обуката на пилоти на борбени авиони Ф-16 откако авионот се урна за време на рутинска обука. Министерството соопшти дека одлуката за суспензија е донесена како превентивна безбедносна мерка која ќе остане во сила се додека истрагата не покаже дали е безбедно да се продолжат летовите со овој тип на авиони.Несреќи на авиони кои припаѓаат на РСАФ се вистинска реткост. Министерот за одбрана Нг Енг Хен рече дека последната била пред 20 години, но и покрај тоа, РСАФ биле разочарани од последниот инцидент.140-та и 143-та ескадрила на РСАФ се стационирани во базата Тенга и имаат F-16C/D. Акро групата Black Knights е исто така со седиште во Тенга. Воздухопловните сили на Република Сингапур во моментов летаат околу 60 F-16 во варијантите C и D, додека небото на оваа мала земја го бранат 40 F-15SG.
Пронајдете не на следниве мрежи:
