Денешниот ден во Далмација донесе високи 38 Целзиусови степени, но попладнето времето нагло го смени карактерот – по речиси целиот потег на Далматинскиот брег се разви силно невреме со грмотевици, а најтешко погодено беше подрачјето од Сињ до Солин, јавуваат хрватските медиуми.
Имаше дожд, на места пороен, град и силен ветер кој кршеше гранки во многу места. Забележан е ветер до 100 км/ч.
Во Подстрана гром предизвика пожар, кого сепак дождот набргу го угасна.
