Синдикатите одржаа јавна седница среде улица, со три точки на дневниот ред- да „не може да има за пратениците а да нема за работниците“, втората точка гласеше „подадената рака од работникот денес-може да стане стисната тупаница утре“,и третата точка беше упатена до Владата да „не може да се одлучува за работниците без работниците“.
„Го ставам дневниот ред на гласање кој е за, ви благодарам за усвоениот дневен ред“, рече првиот синдикалец, Трендафилов.
Пред Собранието, каде маршот продолжи синдикалците изгласаа одлука за намаување на луксузните пратенички плати на минималец се додека не се зголемат и работничките плати.
„Синдикатите едногласно ви донесоа одлука, да си ги намалите вашите луксузни пратенички плати на минимална плата, се додека не ги зголемите работничките плати. За крај имам лично прашање, Бране на работа е или не е?“, рече Трендафилов.
Маршот продолжи кон Стопанската комора од каде се побара од работодавците да ги зголемат минималните плати за да не бидат најголемите виновници за иселувањето на младите и работниците од Македонија.
„Од мене почитувани работодавачи имате една порака УУААА, зголемете ги платите поради тоа што немаме резервна држава, ќе си одите вие од Македонија не ние додека ви одговараат овие во владата и 400 евра плата“, рече Иван Пешевски – потпретседател на ССМ.
„Секоја година по 10 илјади млади работници и тинејџери се иселуваат од нашата држава“, рече Игор Ѓерасов – претседател на гранков синдикат.
Демонстрантите пред Владата нагласија дека доколку не се зголеми минималната плата на 500 евра ќе стапат во генерален штрајк во целата држава.
„Првата влада во историја на Македонија која донесе одлука за минимална плата без учество на синдикати,првата влада во историја на Македонија која реши 129 илјади вработени во јавниот секотр да зависат од минимална плата. И Бране не е УПОС туку е УПОЗ со З нит се плашиме нит ќе ви се плашиме ве чекаме да не викнете, ако не сами ќе си дојдеме“, рече Трпе Деаноски- претседател на УПОЗ.
Од Владата апелираа до синдикатот да не ја злоупотребуваат ситуацијата во државата и обвинија дека протестот има партиска позадина. Во соопштението до медиумите наведуваат дека тие биле против кога се зголемувале платите на функционерите но синдикатот тогаш молчел, како што молчел цело време додека СДСМ биле на власт. „За нас не е проблем и да ги спуштиме платите, но на работниците тоа нема да им го реши проблемот“ велат од Владата и додаваат дека „ проблемот на работниците може да се реши системски и со вистински пристап. Ние сочувствуваме со тешката состојба и со проблемите на нашиот народ, и од таа наша мисија нема да нè оттргнат партиски мотивирани самонаречени синдикалци кои тераат партиска агенда на партиите СДСМ и ДУИ“ пишува во владиното соопштение.
