среда, 18 ноември 2026
Најново

Собраниска седница за Предлогот за одземање на мандатот на Груевски

Претпочитан извор Додај го Пулс24 во твоите извори на Google Додај

Предлогот за одземање на мандатот на пратеникот од ВМРО-ДПМНЕ, Никола Груевски е на дневен ред на денешната пленарна седница во Собранието. Пред два дена со пет гласа “за“ Комисијата за мандатно-имунитетни прашања во Собранието констатира дека ќе поднесе извештај до Собранието со заклучок за одземање на пратеничкиот мандат на поранешниот премиер Груевски.
Според деловникот, Собранието ќе треба да го разгледа барањето на првата наредна пленарна седница. Мандатот на Груевски е 20-та, односно последна точка на дневниот ред.
Меѓутоа, ако се земе предвид тоа што осумтемина пратеници од ВМРО-ДПМНЕ и коалицијата претходно соопштија дека нема да гласаат “за“ одземање на неговиот мандат, а е потребно двотретинско мнозинство сè поизвесно е дека предлогот нема да помине на седницата.

Поврзани вести