Откако НАСА ја одложи првата мисија за испраќање астронаути околу Месечината по 50 години, повторно се појави теорија на заговор за тоа што Нил Армстронг и Баз Олдрин наводно откриле на површината на природниот сателит на Земјата.
Како што можете да замислите, сè има врска со мисијата Аполо 11 и првото слетување на Месечината на 20 јули 1969 година.
Не се пронајдени физички докази
Водителот на популарниот подкаст „Досиејата зошто “, Еј Џеј Џентиле, беше гостин во „Шоуто на Такер Карлсон“ и се присети на шокантна приказна за која се дискутира со децении, објавува Дејли Меил .
„Според таа теорија, Армстронг и Олдрин ја информирале контролата на мисијата на Земјата дека виделе суштества во еден од кратерите. Наводно се префрлиле на резервен канал и рекле: „Ене ги. Во кратерот и можат да нè видат“, рече Џентил.
Станува збор за теорија на заговор која постои повеќе од 50 години, иако нема докази дека екипажот на Аполо 11 некогаш користел резервен радио канал, додека американската влада и Пентагон тврдат дека никогаш не се пронајдени физички докази што го потврдуваат постоењето на НЛО или вонземски суштества.
„Секој астронаут видел…“
Од друга страна, Џентиле изјави дека „некои поранешни научници на ЦИА и истакнати астронаути тврделе дека на површината на Месечината има нешто што НАСА го чува во тајност уште од крајот на мисиите во 1972 година“.
„Секој астронаут видел чудни работи во вселената. Едгар Мичел мисли дека НЛО се вистински. Тој е шестиот човек што стапнал на Месечината. Тој не е лудак, тој е американски херој. Значи, очигледно нешто се случува таму горе“, додаде тој.
Кога Такер Карлсон го праша дали верува дека слетувањето на Месечината во 1969 година било лажно, Џентиле одговори дека „верува дека мисијата се случила“, но додаде дека прашањето го вознемирува поради големата количина документација што, како што вели, „исчезнала по тој историски настан“.
Следен обид во март.
За потсетување, НАСА првично планираше да испрати четири астронаути на десетдневна мисија околу Месечината, со враќање на Земјата најрано до 6 февруари.
Поради екстремно ниските температури предизвикани од неодамнешните зимски бури, датумот на лансирање беше поместен за 8 февруари, пред да биде откриен проблем за време на тестирањето во понеделник.
Имено, менаџерите на мисијата изведувале детална проба за лансирање, позната како „влажна генерална проба“ (симулација на лансирање со полнење гориво), кога било откриено истекување на водород во основата на ракетата „Систем за вселенско лансирање“ .
Според моменталниот распоред, мисијата „Артемис II“ ќе се обиде да лансира на 6, 7, 8, 9 или 11 март, а резервни датуми се планирани за првата недела од април во случај на понатамошни одложувања.
The post Стара теорија на заговор за Аполо 11 повторно се појавува: Луѓето веруваат дека астронаутите го виделе ОВА на Месечината appeared first on Во Центар.
