Повеќе од 50 работници се повредени, а 14 се исчезнати во огромен пожар кој ноќта по локално време избувна во фабрика за автоделови во јужнокорејскиот град Деџеон, пренесуваат светските медиуми.

Видеата објавени на социјалните мрежи ги покажуваат размерите на катастрофалниот пожар.

Многумина вдишале отровен гас или паднале од зградата обидувајќи се да избегаат, јавува агенцијата „Јонхап“. Повеќе од 200 пожарникари се борат со огнената стихија. Надлежните се загрижени за големото количество запаливи материјали кои биле складирани во една од зградите, а кои можат да експлодираат.