Камила Валиева, младата руска лизгачка на која и беше одземен олимпискиот медал откако беше позитивна на допинг тест, добила 56 различни лекови на возраст од 13 до 15 години, а шефот на антидопинг комисијата го опиша целиот случај како „ мачна“ програма за лекување.Имено, лекарите и дадоа на Волиева коктел од лекови за срце, аминокиселински додатоци за зајакнување на мускулите и легални подобрувачи на перформансите две години пред Зимските олимписки игри во Пекинг 2022. Деталите за позитивниот тест за забранетиот лек излегоа на виделина кратко откако Волиева, тогаш 15-шна, и помогна на Русија го освои златото во екипно лизгање на мраз со нејзиниот неверојатен настап на мразот.Во јануари, Судот за спортска арбитража (CAS) објави дека и забранил на Валиева да настапува во наредните четири години по нејзиниот позитивен тест во декември 2021 година, кога беше позитивна на триметазидин (TMZ), лек за срце што го зголемува протокот на крв.Сега Тревис Тајгарт, шефот на американската антидопинг комисија, повика на акција, додека Оливие Нигли, генерален директор на Светската антидопинг агенција (Вада), го опиша случајот како „шокантен“ и рече дека Валиева е „жртвувана“ за да ги заштити одговорните.Не беа преземени никакви мерки против тројцата тимски лекари кои работеа со „чудото од дете“. ниту против нејзината контроверзна тренерка за време на Олимпијадата, Етери Тутберидзе.Списокот на супстанции дадени од тројцата руски лекари беше содржан во писмената пресуда на CAS за случајот на Валиева, што доведе до тоа златниот медал на рускиот тим во уметничко лизгање да замине во рацете на американската екипа.Лекарите на Валиева кажале во постапката која ја водеше CAS дека кога имала 14 години ѝ било дијагностицирано „спортско срце“, поради што била принудена да добива лекови за срце, но тоа не ја спречило да продолжи да се натпреварува. Тоа беше сомнително за Нигли, која рече: „Супстанцата со која беше фатена веројатно беше дел од мешавина од голем број други работи кои се користеа за лекување на срцеви заболувања. Ако има 14 години и има проблеми со срцето, тогаш веројатно има и други работи со кој треба да се занимава освен со елитен спорт. Ова е очигледно нешто што медицинските комисии на меѓународниот спорт ќе треба да го преиспитаат. Тоа не е нормално.’Валиева, која сега има 17 години години, се појави пред три недели со рускиот претседател Владимир Путин на отворањето на игрите на иднината во Казан, нов меѓународен спортски настан на кој учествуваат спортисти од Русија и неколку други земји.Говорот го поттикна Томас Бах, претседател на Меѓународниот олимписки комитет, да реагира. Бах, кој во 2022 година ја опиша реакцијата на Тутберидзе на настапот на Валиева како „застрашувачка“, рече дека има „итна потреба повнимателно да се следи кој ги придружува спортистите… оние кои се конечно одговорни за прекршување на правилата за анти-допинг“.– Валиева беше злоупотребена за политички цели со тоа што мораше да застане со претседателот Путин на таканаречените Игри на иднината, покажувајќи непочитување на сите светски антидопинг правила и давање политичка изјава. Ова е навистина многу тешко да се поднесе – изјави Бах.Минатата недела руската новинска агенција Интерфакс објави соопштение од Министерството за спорт во кое се вели дека Валиева била исфрлена од руската репрезентација во уметничко лизгање.
Пронајдете не на следниве мрежи:
