Во силна експлозија која се случила во трговски центар на Флорида се повредени најмалку 20 лица. Локалните агенции пренесуваат дека најверојатно станува збор за експлозија на гас и дека на околните објекти се забележуваат големи оштетувања, како скршени прозорци и остатоци расфрлани до 100 метри околу објектот, додека соседната зграда е целосно уништена. Полицијата ги предупреди граѓаните да го избегнуваат погоденото подрачје.
