Таткото на херојотМарко Пејчиноски, кој го преплива Охридското езеро на само 12 години, бил казнет со 300 евра поради тоа што го прател неговиот син со нерегистрирано кајче, пренесува „Охрид скај“.
Од страна на Капетанијата на пристаништа на Република Македонија – Охрид, поради завршувањето на сообраќајната дозвола на неговото кајче, Тони Пејчиновски добил казна од 300 евра.
Ова се случило една недела пред херојот Марко да го преплива Охридското езеро, односно на секојдневниот тренинг кој го правел со неговиот неговиот татко.
Ваквиот потег на Капетанијата предивика бура од негодувања кај охриѓани, но и сите засегнати страни, бидејќи тие знаеле со која цел биле секојдневните тренинзи во езерото – малиот Марко мора да плива, најмногу поради здравствените причини кои ги има (инфаркт на долни екстремитети).
Охридскај јавува дека за целиот овој случај жалење покажал капетанот Горан Устијаноски, но според неговите зборови, тој немал надлежност да преземе било што бидејќи прекршокот бил регистриран од езерската полиција.
