„Ју-Ес Меч Груп“, сопственик на апликацијата за запознавање „Тиндер“, објави за време на повик со инвеститори дека постепено ќе воведува нова функција базирана на вештачка интелигенција по седум проценти пад на претплатниците на годишно ниво во третиот квартал од 2025 година.
Бројот на претплатници на Tinder опаѓа девет последователни квартали, а Match Group сака да го промени трендот со функција наречена „хемија“ што ќе им поставува прашања на корисниците и, со нивна дозвола, ќе анализира фотографии од галеријата на нивниот телефон што не се јавно споделени за да дознае повеќе за нивните интереси и личност.
Ако вештачката интелигенција, на пример, забележи дека корисникот има фотографии од планинарење во својата галерија, може да го поврзе со потенцијален партнер кој дели слични интереси, објавува TechCrunch.
Функцијата веќе се тестира во Нов Зеланд и Австралија и ќе биде „главен столб на претстојното искуство со производи на Tinder во 2026 година“, рече извршниот директор на Match Group, Спенсер Раскоф.
„Метч груп“ не е единствената компанија што бара од корисниците пристап до фотографии што не се јавно споделени. „Мета“ неодамна воведе алатка што користи вештачка интелигенција за анализа на слики од галеријата за да предложи визуелни подобрувања.
Во двата случаи, експертите забележуваат дека користа за корисникот е ограничена, а воедно го покренуваат прашањето за приватноста и безбедноста на податоците.
Тиндер и претходно воведе некои функции базирани на вештачка интелигенција, но неговите приходи во третиот квартал од 2025 година се намалија за три проценти на годишно ниво и покрај иновацијата.
Младите корисници делумно се враќаат на состанувањата во реалниот живот наместо на апликациите, додека други ги намалуваат трошоците поради послабата куповна моќ и рецесијата.
The post Тиндер воведува вештачка интелигенција за подобар избор на партнер: Популарната апликација ги шокираше корисниците appeared first on Во Центар.
