Турскиот првак Трабзонспор наводно добил понуда од два милиони евра за македонскиот репрезентативец Енис Барди, најновата непотврдена информација низ турски медиуми и се претпоставува дека е од италијанскиот калчолигаш Торино, во бескрајните шпекулации изминативе две недели околу иднината на македонскиот репрезентативец.

Барди веќе две недели е во фокус околу наводно заминување, па се испреплетоа еден куп приказни и се појавија информации за наводен силен интерес од шпанските Мајорка, Кадиз, Рајо Валјекано, италијански Торино, француска Ница, но засега на четири дена до крајот на преодниот рок – ништо конкретно.

И во неколку часа, низ чаршиските кулоари и турски медиуми се појави прво информација дека Торино подготвува 2,5 милиони евра плус бонуси за да го земе Барди, а потоа и дека наводно веќе е испратена понуда од два милиони евра, најверојатно од „биковите“, но…