недела, 22 ноември 2026
Најново

Трагедија во Шпанија, почина научник кој ги проучуваше причините за неуспешна бременост

Претпочитан извор Додај го Пулс24 во твоите извори на Google Додај

Професорката на Универзитетот Кембриџ, д-р Марта Шахбази, е меѓу 69-те лица кои ги загубија животите во трагичниот судир на два брзи возови во Шпанија.

41-годишната жена патувала кон градот Хуелва, каде што требало да прими награда за научна извонредност, кога се случила несреќата во близина на градот Урда.

ПУЛС24.МК - 14 ГОДИНИ

Шахбази беше реномиран научник во областа на клеточната биологија и водеше истражувачка група во Лабораторијата за молекуларна биологија на MRC.

Нејзиното истражување се фокусираше на развојот на човечкиот ембрион и причините за неуспешна бременост.

Нејзината смрт ја потврди шпански истражувачки институт, додека колегите ја опишаа како талентиран и инспиративен научник.

Несреќата се случила кога воз од државната компанија „Ренфе“ се судрил одзади со воз од компанијата „Ирјо“.

Шпанските власти ги истражуваат причините, а првичните сомневања се поврзани со проблем во компјутерската комуникација и човечка грешка.

Поврзани вести