Четиринаесет мигранти загинаа во обид со чамец да стигнат до грчкиот остров Крит, соопшти крајбрежната стража.

Товарен брод го забележал чамецот јужно од островот. Во него биле пронајдени 13 тела, додека уште едно лице починало по пренесувањето на копно. Меѓу луѓето пренесени во болница имало и мало дете.

Причината за смртните случаи не била веднаш утврдена. Властите разгледуваат можност чамецот со денови да бил на море и поради силните ветрови да не можел да стигне до брегот.

Грчката крајбрежна стража истиот ден спасила уште 187 мигранти во три одделни операции кај Крит.