Претседателот на Соединетите Американски Држави, Доналд Трамп, објави дека во понеделник ќе даде важна изјава во врска со Русија, објави NBC News. „Разочаран сум од Русија, но ќе видиме што ќе се случи во следните две недели. Мислам дека во понеделник ќе дадам важна изјава за тоа прашање“, рече Трамп, без да открие детали.

Ден претходно, американскиот лидер ѝ се закани на Москва со „мало изненадување“, но во таа прилика не откри за какви мерки зборува. Тој, исто така, коментираше за предлог-законот за нови санкции против Русија, кој неодамна беше разгледан во Конгресот. Според него, станува збор за „опционален“ документ, чија судбина ќе зависи исклучиво од неговата одлука. На почетокот на април, во Сенатот беше поднесен предлог-закон наречен „Закон за санкции против Русија од 2025 година“, чиј автор е републиканскиот сенатор Линдзи Греам.

Предлогот предвидува воведување нови мерки против Москва под изговор на нејзиното наводно одбивање да преговара за решение на украинската криза или потенцијално кршење на иден мировен договор. Документот, меѓу другото, вклучува: воведување на царини од 500 проценти за стоки од земји кои продолжуваат да купуваат руска нафта, гас и ураниум; забрана за граѓаните на САД да учествуваат во трансакции за купување руски државни обврзници.