Единствениот ограничувачки фактор кога станува збор за моите овластувања како врховен командант се моите лични морални и етички принципи, изјави американскиот претседател Доналд Трамп.

„Да, има нешто. Мојот сопствен морал. Мојата причина. Тоа е единственото нешто што може да ме запре“, го цитира „Њујорк тајмс“ американскиот претседател. Не ми треба меѓународно право, не сакам да повредувам луѓе, додаде Трамп.

Трамп, исто така, рече дека кога станува збор за НАТО, Русија не е загрижена за другите земји, освен за САД.

„Ако го погледнете НАТО, Русија воопшто не е загрижена за ниедна друга земја, освен за нас“, рече тој. Коментирајќи ја ситуацијата со договорот СТАРТ, тој рече дека „договорот истекува“, но дека се надева дека ќе се постигне поповолен договор. Според него, при постигнување на каков било нов договор за нуклеарно оружје, покрај Русија и САД, потребно е да се вклучат „неколку други играчи“.