Најмалку едно лице го загубило животот, а неколку се ранети во денешната престрелка во средно училиште во градот Пери, во американската сојузна држава Ајова, јавуваат американските медиуми. Според Ен-Би-Си, повикувајќи се на неколку полициски извори, напаѓачот починал од прострелна рана што самиот си ја нанел.
Во престрелката се повредени уште три лица, меѓу кои двајца ученици и еден вработен во училиштето. Деталите за нивните повреди не се познати.
Осомничениот вооружен напаѓач е идентификуван, рече шерифот на округот Далас Адам Инфанти на прес-конференција, но одби да даде дополнителни детали.
Според социјалните мрежи, идентификуваниот напаѓач пред нападот објавил вознемирувачка фотографија на социјалните мрежи и напишал „сега чекаме“ со чуден израз на лицето.
Како што наведе, пукањето било пријавено утрово околу 7:37 часот по локално време, пред почетокот на првиот училишен ден по зимскиот распуст за учениците од гимназијата во Пери, на кој присуствуваат околу 1.785 ученици.
URGENT:-🚨–Shooter at Perry high school in Iowa is dead from a self-inflicted gunshot wound, law enforcement officials say. At least three people were injured, including two students.#Perry #Iowa #MassShooting #USAShooting #JUSTIN #PerryHighSchool #BREAKING_NEWS pic.twitter.com/5jW3pQK3mn— EUROPE CENTRAL (@europecentrral) January 4, 2024
Инфанти им кажа на новинарите дека полицаецот реагирал седум минути подоцна и открил луѓе кои страдале од прострелни рани, без да прецизира кои се тие.
– За среќа, во зградата имаше многу малку ученици и наставници, што, според мене, придонесе за добар исход во таа смисла – рече тој на брифингот со новинарите.
Шерифот додаде дека веќе нема никаква опасност за граѓаните и дека полицијата сега работи на расчистување на настанот.
Според официјални лица од округот Далас, местото на злосторството во моментов е обезбедено.
