Лидерот на СДСМ, Венко Филипче, на денешната прес-конференција, го повтори својот претходен став дека соработката на властите во земјата со српската влада на претседателот Александар Вучиќ и партијата СНС е очигледна.
Филипче оценува дека „јавноста веќе гледа како премиерот Христијан Мицкоски сака да го имитира Вучиќ во говорот, во одењето, во движењето и во концептот на изјавите“ и го нарече „мал Вучиќ“.
Филипче направи споредба помеѓу трагедијата во дискотеката „Пулс“ во Кочани и трагедијата на железничката станица во Нови Сад. Лидерот на СДСМ нагласува дека има владини претставници кои се целосно заштитени и не биле вклучени во истрагата за Кочани.Во врска со проблемот со Бугарија, тој вели дека тоа е завршена работа и дека вклучувањето на Бугарите во Уставот е само механизам за тоа како да се постигне членство во ЕУ.
„Вклученоста на Бугарите ќе нè однесе таму каде што стратешки се стремиме да стигнеме со децении. И ова е повторно форма на искривување на фактите и нивно спинување за да се претстави како предавство, додека во суштина нема да има реформи, европски обвинители и трансформација на судството, додека криминалот и корупцијата ќе продолжат да цветаат“, рече Филипче, обвинувајќи ја владата.
The post Филипче: Владата го претставува вклучувањето на Бугарите во Уставот како предавство, со цел да ги спречи реформите appeared first on Во Центар.
