Лидерот на СДСМ, Венко Филипче, на прес-конференција изјави дека Извештајот на Европската комисија за напредокот на Македонија е сериозен аларм за иднината и перспективите на земјата, нагласувајќи дека тоа е најлошиот извештај што Македонија го добила во последните десет години.
„Објавувањето на Извештајот за напредокот со оценката дека Македонија не постигнала напредок на европскиот пат ни испрати јасна порака за тоа каде се движи земјата во изминатата година и пол под раководство на ВМРО-ДПМНЕ. Овој Извештај е практично најлошиот извештај што го добивме во последните десет години и сериозно го вклучува алармот за иднината и перспективите на земјата“, рече Филипче.
Тој нагласи дека извештајот ја потврдува стагнацијата и заостанатоста на земјата во процесот на европска интеграција и дека се потребни итни чекори за враќање на земјата на европскиот пат.
„Се случи она за што предупредувавме, ВМРО-ДПМНЕ успеа да нè стави во групата со Косово, Босна и Херцеговина, Молдавија, Украина, земји кои последни го започнаа патот на европските интеграции“, рече лидерот на СДСМ.
The post Филипче за извештајот на ЕК: Тоа е најлошото што го добила Македонија во последните десет години appeared first on Во Центар.
Пронајдете не на следниве мрежи:
