Осомничените за нападот во концертната сала во Русија, во кој загинаа повеќе од 130 лица, пристигнаа во окружниот суд во Москва.

Околу судот имаше силно полициско присуство, кое се очекува да определи ограничувања пред судењето за мажите, кои се осомничени дека отвориле оган врз толпата посетители на концертот во салата „Крокус“ во главниот град.

Еден од осомничените, Далерџон Мирзоев, беше одведен со врзани очи во судницата. Му го извадија превезот и се гледаше дека около му е поцрнето.

Нападот од петокот, за кој одговорноста ја презеде огранок на групата Исламска држава, е најсмртоносниот на руска територија во последните години.

Руските власти уапсија четворица осомничени напаѓачи во саботата, а уште седуммина се приведени под сомнение за вмешаност во нападот, рече рускиот претседател Владимир Путин во ноќното обраќање до нацијата во саботата.

Тој тврдеше дека тие биле заробени додека бегале во Украина, нешто што Киев категорично го негира.