Двајца пилоти се повредени при падот на рускиот борбен авион Су-30 за време на тренинг лет во Калининградската област, додека причината за несреќата сè уште не е позната.
Руски борбен авион Су-30 се урна денес за време на тренинг лет во Калининградската област, потврди руското Министерство за одбрана. Несреќата се случила во таа силно милитаризирана руска енклава на Балтичкото Море, која се граничи со Полска и Литванија.
Министерството за одбрана не објави детали за причината за несреќата. Тие рекоа дека екипажот успеал да се катапултира и бил евакуиран од страна на екипа за пребарување и спасување, но не кажаа дали пилотите се повредени.
Телеграмскиот канал „Маш“, кој се смета за близок до Кремљ, објави дека авионот се урнал во близина на градот Черњаховск, околу 90 километри источно од Калининград. Според истиот извор, двајцата пилоти се повредени и се префрлени во воена болница.
Тензии околу Калининград
Су-30 е двоседен повеќенаменски борбен авион дизајниран за напаѓање цели во воздух и на земја. Москва нагласи дека тој не носел оружје во времето на падот.
BREAKING: Russia’s Defense Ministry says a Su-30 fighter jet crashed in Kaliningrad region on October 21 during a scheduled training flight. No further details on the cause of the crash or the crew were provided. #Russia pic.twitter.com/NfsMhnswFM— NOELREPORTS (@NOELreports) October 21, 2026
Авионските несреќи за време на вежби, понекогаш со фатални исходи, не се ретки во Русија. Така, во септември, авион Ту-95 се урна во Амурската област. Во таа несреќа загинаа шест члена на екипажот, а еден беше повреден, објави Интерфакс на 29 септември, што беше потврдено и од руското Министерство за одбрана.
Инцидентот се случи во време на зголемени тензии меѓу Русија и НАТО околу Калининград. Литванскиот министер за внатрешни работи, Мартинас Кателинас, затоа побара да се испратат дополнителни воени сили на границата со руската енклава.
The post Хаос во руската енклава близу до НАТО: Се урна борбен авион Су-30, пилотите се катапултираа – двајцата завршија во воена болница (ВИДЕО) appeared first on Во Центар.
