Ерменскиот премиер Никол Пашинјан денеска соопшти дека хеликоптерот во кој се наоѓал морал принудно да слета поради лошите временски услови и дека во инцидентот нема жртви.„Се е во ред. Поради лошите временски услови, нашиот хеликоптер неочекувано слета во Ванадзор. Сега го продолжуваме патувањето со автомобил“, напиша тој на Фејсбук.Ванадзор се наоѓа на северот на Ерменија во долина опкружена со планини.
BREAKING: Armenia PM Nikol Pashinyan’s helicopter makes an emergency landing due to bad weather – reportpic.twitter.com/8KLYKm2BW4— World Times (@WorldTimesWT) May 25, 2024
Пашинјан се соочува со протести дома поради неодамнешното предавање на четири погранични села на Азербејџан, како и победата на Баку во двете најнови војни за контрола на енклавата Нагорно-Карабах, во 2020 и 2023 година.Иранскиот претседател Ебрахим Раиси загина овој месец во хеликоптерска несреќа во планинска област во северозападен Иран во тешки временски услови.
