Најмалку 12 лица се ранети во ужасна пукотница што се случи во саботата навечер во близина на локален фестивал во градот Толедо, во американската држава Охајо.
Според информациите потврдени од заменик-шефот на полицијата во Толедо, Џо Хефернан, двајцата ранети се во критична состојба.
Полицијата наведува дека во престрелката учествувале најмалку две лица, кои, според досегашната истрага, веројатно пукале едни кон други.
Полициската управа во Толедо потврди дека пукањето се случило во непосредна близина на фестивалот „Олд Вест Енд“, традиционален дводневен настан во историскиот дел од градот кој секоја година собира голем број посетители со жива музика, тури на историски куќи и гастрономска понуда.
Напаѓачите се бараат, а на терен има силни полициски сили.
По овој трагичен настан, се огласи Мајк ДеВајн, гувернерот на државата Охајо, изразувајќи длабока загриженост за ситуацијата во Толедо.
„Длабоко сум загрижен за ситуацијата во Толедо. Летните фестивали треба да бидат безбедни места каде што семејствата можат да поминуваат време заедно без страв од насилство“, рече ДеВајн.
Полицијата апелираше до сите граѓани кои имаат какви било информации за осомничените веднаш да се обратат до надлежните органи, додека истрагата за мотивите на оваа конфронтација е сè уште во тек.
The post Хорор во САД: Најмалку 12 лица повредени во масовно пукање на фестивал appeared first on Во Центар.
