Православните христијани денес го слават Бадник, денот пред раѓањето на Исус Христос.
Традиционално, како и секоја година, и оваа година за овој ден беа организирани поворки. Во организација на Здружението „Бадникови поворки“, настанот се одржа во повеќе од 80 градови и села низ Македонија, како и во дијаспората.
Главната поворка во Скопјe ги собра учесниците од речиси сите општини во главниот град, заедно со нивните градоначалници. Поворката започна од Музејот на град Скопјe, минувајќи низ улицата „Македонија“ и заврши на плоштадот пред Божиќната пештера, каде што беше одржана и богата музичка програма. Некои од учесниците, наутро, имаа и свечена средба со архиепископот охридски и македонски, Неговото Блаженство Стефан, во соборната црква „Свети Климент Охридски“ во Скопјe. Таму ја испеаја песната „Вечен Бог“, која ја најавува радосната вест за раѓањето Христово.
„Празникот на раѓањето Христово, или верата и сознанието дека Синот Божји станал и Син човечки, станал Богочовек за да нè спаси од падот, нека нè направи храбри во сведочењето за вистината, великодушни во покажувањето љубов и силни во соочувањето со искушенијата. Да се приближиме кон Божественото Доенче, за и ние да се родиме за нов живот во него, и преку нас светот да го доживее мирот и радоста што само Тој може да ги даде и што постојано им ги дава на сите оние чии души и срца денес и секој ден ги возвишуваат.“
Христос се роди, Христос се роди, Христос се роди – честитки и благослови од Бога за новата година!“, рече Неговата Светост Стефан – Архиепископ на Македонската православна црква.
The post Христијаните во Македонија денес го слават Бадник appeared first on Во Центар.
