Цените на шеќерот на светскиот пазар бележат остар пад, бидејќи се очекува рекордно производство во водечките земји извознички како што се Бразил, Индија и Тајланд. Според податоците од берзата Nasdaq, цените на шеќерот паднаа на најниско ниво во речиси пет години.
Главните причини за падот на цените доаѓаат од три клучни производители.
Бразил ја зголеми својата проценка на производството за тековната сезона на 45 милиони тони, благодарение на поволните временски услови и поголемата преработка на шеќерна трска.
Индија очекува раст на производството од речиси 19 проценти во споредба со претходната година, на вкупно 31 милион тони, додека Тајланд предвидува зголемување на производството за околу 5%, на 10,5 милиони тони.
Трговската куќа „Чарников“ проценува дека светските залихи на шеќер ќе надминат 8,7 милиони тони оваа сезона, што е повеќе од милион тони повеќе од претходно проценетото. Таквиот вишок на пазарот дополнително ги притиска цените и ги намалува изгледите за раст во наредните месеци.
Иако Меѓународната организација за шеќер (ISO) претходно објави можен глобален дефицит, новите случувања покажуваат дека понудата сепак ќе ја надмине побарувачката.
The post Цената на шеќерот падна на најниско ниво во последните пет години appeared first on Во Центар.
