На трката за Големата награда на Јапонија, одржана на познатата патека „Сузука“, светскиот шампион од Ред Бул, Макс Верстапен, ја освои првата позиција. Ландо Норис од Мекларен, заврши втор, заостанувајќи 1,423 секунди зад Верстапен. Третото место му припадна на колегата од истиот тим, Оскар Пјастри, кој заостана 2,129 секунди. Ситуацијата стана напната по првото возење во боксот, кога Верстапен и Норис се најдоа многу блиску еден до друг, што резултираше со тоа што Норис мораше да избегне судир и да излезе на тревата, губејќи околу една секунда. Оваа победа за Верстапен е неговата прва во новата сезона, и четврта последователна на истата патека. Наредниот настан од шампионатот Формула 1 ќе се одржи во Бахреин на 13 април. Во трката за возачи, Норис е прв со вкупно 62 поени, следен од Верстапен со 61, и Пјастри со 49. Во натпреварот меѓу конструкторите, Мекларен за сега е во водство со 111 поени, пред Мерцедес со 75 и Ред Бул со 61.
Пронајдете не на следниве мрежи:
