Често ќе чуете луѓе кои имале искуства близу до смртта да велат дека им била прикажана ретроспектива на сопствениот живот, а научниците утврдиле дека ова е многу веројатно вистина.
Невронаучниците ја снимиле мозочната активност на една личност додека умирала и откриле дека нивните мозочни бранови во моментот на смртта биле слични на оние што се јавуваат кога сонуваме, се сеќаваме на нешто и медитираме.
Резултатите од истражувањето објавено во стручното списание „ Frontiers in Aging Neuroscience“ покажаа дека нашиот мозок може да остане активен за време на процесот на умирање, па дури и одреден временски период по смртта.
Ова откритие дојде откако 87-годишен пациент развил епилепсија, а ЕЕГ бил користен за откривање на напади, со цел пациентот да може да се лекува. Додека ја снимил мозочната активност, пациентот доживеал срцев удар и починал. Ова беше прв пат да се сними активноста на умирачки мозок.
Аџмал Земар, неврохирург од Универзитетот во Луисвил, кој го водеше истражувањето, изјави за „Фронтиерс“ дека ги анализирале настаните 30 секунди пред и откако срцето престанало да работи и забележале невролошки разлики.
„Видовме промени во специфичниот опсег на невронски осцилации, таканаречените гама осцилации, но и во други како што се делта, тета, алфа и бета осцилации“, рече тој.
Осцилациите се друго име за мозочните бранови, а сите претходно споменати типови на мозочни бранови, барем делта, се поврзани со соништа, сеќавања и обработка на информации, што се сведува на флешбекови. Делта мозочните бранови се поврзани со длабок сон или одредени состојби на свест.
„Мозокот може да го репродуцира последното сеќавање на важни животни настани непосредно пред смртта, слично на оние што се случуваат кај искуствата близу до смртта. Овие резултати ни помагаат да го откриеме точниот крај на животот и да генерираме важни прашања за следење, како што се оние поврзани со времето на донирање органи“, изјави тој.
The post Што луѓето гледаат во моментот на смртта: Еве што покажа истражувањето appeared first on Во Центар.
