Малата Евгенија Камчева е првото бебе родено во Скопје оваа нова година. Таа се роди точно на полноќ, пречекувајќи го главниот град во 2026 година со убава и симболична вест – почеток на нов живот и нова надеж.
Градоначалникот на Градот Скопјe, Орце Ѓоргиевски, го сподели радосниот настан на социјалните мрежи, посакувајќи ѝ на новородената Евгенија здравје, среќно детство и живот исполнет со љубов, достоинство и можности.
„Секое новородено дете е надеж и заедничка обврска за градење подобра иднина, побезбедна држава и посилно општество“, рече Ѓорѓиевски, додавајќи дека новата година треба да биде година на нови животи, радост и насмевки.
Тој упати и искрени честитки до мајката Емилија, посакувајќи ѝ добро здравје, среќа и успех, нагласувајќи дека Евгенија е најубавиот почеток на новата година за Скопјани.
The post Ѓорѓиевски: Секое новородено дете е надеж и заедничка обврска за градење подобра иднина appeared first on Во Центар.
