Јелена Карлеуша го пријавила својот поранешен сопруг Душко Тошиќ во полиција откако наводно ги сменил бравите во нејзината куќа на Дедиње во Белград.
Како што објавува српски Телеграф , пејачката го пријавила својот поранешен сопруг за провала во куќата каде што живее со своите ќерки Атина и Ника. Јелена Карлеуша била во Дубаи во времето на нападот и оттаму контактирала со полицијата.
Според српските медиуми, нивните ќерки се наведени како сопственици на станот, додека Јелена е нивен главен старател.
Претходно, коментирајќи ја нејзината врска со него, таа кажа зошто нивниот брак се распадна.
„Ако веруваме во Бог, дали веруваме и дека ѓаволот постои? Во нашиот случај, се вмешал ѓавол. Не велам дека верувам во црна магија, но верувам дека се вмешала некоја ѓаволска сила. Никогаш не можев да преболам некои работи“, рече таа.
Јелена Карлеуша и Душко Тошиќ беа во брак од 2008 до 2024 година. Српските медиуми постојано објавуваа дека меѓу нив постојат несогласувања. Таа цврсто го негираше тоа, но на крајот објави дека на нивната љубов ѝ дошол крајот.
Таа го пријавувала и за семејно насилство во неколку наврати.
„Неколку пати бев принудена да повикам полиција, и тоа беше кога некој повеќе не може вербално да те „скроти“, па почнуваш да си ја удираш главата од ѕидот, а потоа… Ова се тешки теми. Она што сакам да ѝ го кажам на секоја жена: „Никој не треба да крева рака на жена“, изјави таа претходно во емисијата „4 и пол жени“.
The post Јелена Карлеуша го пријави Душко Тошиќ, тврдејќи дека тој провалил во нејзината куќа и ги сменил бравите appeared first on Во Центар.
