недела, 22 ноември 2026
Најново

Јовески: Aко има докази и за други лица ќе биде покрената постапка

Претпочитан извор Додај го Пулс24 во твоите извори на Google Додај

Јавниот обвинител Љубомир Јовески во врска со случајот што вчера го отвори ОЈО против Боки 13, најави проширување и за други лица доколку бидат обезбедени докази.
– Обвинителството е определено неселективно да ги гони сите лица за кои во постапката ќе докаже дека сториле кривично дело. Ве уверувам дека доколку во истрагата Обвинителството обезбеди докази и инволвораност на други лица и против нив ќе биде покрената соодветна постапка, рече тој, пренесе “Пресингтв“.
На Боки 13 и на Зоран Милевски им е одреден триесетдневен притвор, како осомничени за изнудување пари.
По собрани вербални и материјални докази, Обвинителството вчера отвори истрага во која осомничените ги товари за кривично дело “примање награда за противзаконито влијание“, а првоосомничениот Јовановски и за “перење пари и други приноси од казниво дело“.
Инаку, тие во два наврата примиле вкупно 1,5 милион евра од побарани осум милиони евра од лице против кое се водело истрага. На осомничениот од кого ги изнудиле парите му ветиле дека преку обвинител со кого имаат пријателски врски т.е. влијание ќе ја запрат истражната постапка или ќе му ја олеснат положбата во постапката.

 

Поврзани вести